جديد الشاعر فؤاد العكشي الورفلي / قصيدة : خيــــــرة الشبــــــاب

بسم الله في قولن نبي نذويبه ... وبسم الله في قولن نبي نبداه
لوكان نحكي فيه يطول سريبه ... مافي فخلق الله من يسواه
جود وأصالة وصيت ماله عيبه ... غالي علي وخاطري يشهاه
عينه بعــين الريـم فيهـا هيبه ... اللي يشبحه ينطق بغير دعاه
بين العرب معروف واضح طيبه ... ماهـوش مدرق شـهير نباه
وين تقصده تأخذ اللي في جيبه ...ويفرح بضيفه بجيته وملقاه
اسمه( عزيز )من خيرة الشابيبه ... يسعد الله باته اللي سماه
واللي يخالف كلامي يديرله تقليبه ... مقطوع لا له وجه لا جاه
واللي يتخطــى ماندسـوا عيبه ... قليل أصل لاترحم اللي رباه
نوصيـك يابوعقل ماتشـكـيبه ... اصبر على اللي صايدك واكماه
واحسب حساب الموت راي قريبه ... اللي تعمله هو اللي بتلقاه
فوق مـن جبينـك كاتبين كتيبـه ... وكـل حـي عنده قسم بياتاه
واختار النسب وانشد علي تنسيبه ...ولاتخالط الشئ لين تسترضاه
واللي يخذلك يلزم عليك تسيبه ... واللي تتركه تقدر تعيش بلاه
هذاي خبـر مأخـوذ بالتجريبه ... موش قول قايل شئ جربناه
وعبادة المولى ليك هي الوجيبه ... اجعنا نحوا في طاعته ورضاه