** أنتي جافية ** ملكيتي

** انتي جافية **
انتي جافية وأني جفيتك ديمه ------- خسارة التعب في حب ماله قيمه
*********
انتي جافية ونسايـــــــه -------- وقلبي وفي للحب شوق الغايــه
تسهر عيوني بالدموع ملايــه ------- عيونك يجيها النوم م التظليمــه
انتي هانيه واني قليل هنايــه ------- امندم عل عشرة سنين قديمــه
امقدر عليا بالشقا مولايـــه ------- وكانت سبايب بلوتي تسليمـــه
عيني هوت والقلب عادم رايه ------- امتبع شهاوى العين ديمه ديمه
اللي يعرفوك وعارفين وفايه ------ قالوا تخونك بالخداع عليمـــه
ما سمعت ناصح لا قبلت وصايه ------ حامل صغى حبك وراضى ضيمه
نحساب قلبك بالحنين معايـه ------- لقيتك مثيل الريح في التبريمـه
في الوجه مرشه وفي القفا برايه ------ يومين تصفى وعامين كيف الغيمه
لحقني الندم قلبي على شواية ------- وقلبك تهنى بجنته ونعيمـــه
دورت مالقيتش دواء لدايـه -------- بننساك لو نقدر اندير عزيمـه

(( انتي جافية واني جفيتك ديمه ))

تحياتي الشاعر فؤاد العكشي ( ملكيتي )

انتي جافية ونسايـــــــه -------- وقلبي وفي للحب شوق الغايــه
تسهر عيوني بالدموع ملايــه ------- عيونك يجيها النوم م التظليمــه
انتي هانيه واني قليل هنايــه ------- امندم عل عشرة سنين قديمــه
امقدر عليا بالشقا مولايـــه ------- وكانت سبايب بلوتي تسليمـــه

شاعرنا الكبير فؤاد العكشي يعجز اللسان عن الوصف والتعبير
موفق وفي أنتظار جديدك

أنتي جافية ملكيتي